Սրբոց Վարդանանց նուիրուած հանդիսութիւն` Մայր Աթոռի մէջ
Գէորգեան հոգեւոր ճեմարանի հանդիսութիւններու դահլիճին մէջ նախօրէին, նախագահութեամբ
Գարեգին Բ Ամենայն Հայոց Կաթողիկոսի, տեղի ունեցաւ հանդիսութիւն` նուիրուած Սրբոց Վարդանանց
զօրավարներու տօնին: Ցերեկոյթը կազմակերպուած էր Գէորգեան հոգեւոր ճեմարանի եւ Երեւանի
պետական համալսարանի ուսանողներու կողմէ, կը տեղեկացնեն Մայր Աթոռ Սուրբ Էջմիածնի մամուլի
բաժինէն: Ձեռնարկին ներկայ էին Մայր Աթոռի միաբաններ, Գէորգեան հոգեւոր ճեմարանի եւ
ԵՊՀ դասախօսներ, Հայաստանի տարբեր համալսարաններու ուսանողներ: Հանդիսութիւնը բացուա
է Տէրունական աղօթքով, հնչել են ՀՀ եւ Գէորգեան հոգեւոր ճեմարանի օրհներգները, ապա բացման
խօսքով հանդէս եկած է Մայր Աթոռի հոգեւոր կրթական հաստատութիւններու վերատեսուչ, Գէորգեան
հոգեւոր ճեմարանի տեսուչ Տ. Գէորգ եպիսկոպոս Սարոյեանը` ուրախութիւն յայտնելով, որ արդէն
հինգ տարի է, որ ճեմարանն ու Երեւանի պետական համալսարանը միասնաբար կ’ոգեկոչեն Վարդանանց
անմահ նահատակներու յիշատակը: «Վարդանանց ոգեկոչումը հայ ազգի համար աւելին է, քան
տօնը. ժողովուրդն անմահացրել է Վարդանանց յիշատակը, այն դարձրել իր դարաւոր պայքարի հիմնը»,-
նշած է տեսուչ Սրբազանը: Ներկաներուն այս առիթով ողջունած է նաեւ Երեւանի պետական
համալսարանի ռեկտոր, պատմական գիտութիւններու դոկտոր, փրոֆէսոր Արամ Սիմոնեանը: Հանդիսութեան
աւարտին ներկաներուն իր պատգամն ու օրհնութիւնն բերած էր Գարեգին Բ Ամենայն Հայոց Կաթողիկոսը`
գոհութիւն յայտնելով Աստծուն, որ այսօր Վարդանանց տօնը կը տօնախմբուի ոչ միայն Սփիւռքի
մէջ` ազգային մեր հաստատութիւններու մէջ, այլ նաեւ Մայր հայրենիքի մէջ, հոգեւորականներու,
ճեմարանի սաներու եւ համալսարանական ուսանողներու հետ միասին: Նորին Սրբութիւնը յոյս
յայտնած է, որ ապագային Վարդանանց տօնը պիտի նշուի ամէն տեղ, որովհետեւ դարեր շարունակ
Վարդանանց ոգին առաջնորդած է հայ ժողովուրդը եւ զօրութիւն տուած` դիմակայելու կեանքի
բոլոր դժուարութիւնները եւ կերտելու հայոց պատմութեան յաղթանակները: